今日終於都6月喇！真係開心死呀！
琴晚去撕走5月既月曆...果一刻...好暢快...
因為終於到6月喇！！到6月即係話俾自己知，
仲有24日我地就會完左個placement！
仲有26日我地就會返去我地嘈嘈閉既課室！
仲有29日我地就要畢業喇！
真係開心！哈哈！果種感覺係唔會忘記！
而家個樣殘都亞媽都唔認得！不過亞媽就真係唔認得我喇！
佢只會記得要幫個囡留飯聽日返工食....哈哈！
係呢一個月裡面，我足足肥左6-8磅...
真係肥到丫...肥到連自己都唔相信呀！
仲要因為返工時間成日轉...時早時夜...
攪到訓又訓唔好...失眠呀陰功....！
食飯又唔多定時...攪到....有入冇出....
D瘡爆到唔想照鏡....肥豬腩肉突晒出黎...
嘩！！過埋呢個月...真係唔敢想像呀！！
到時...如果真係請返我...我到底留唔留低呀？
但係...呢個問題真係要諗清諗楚.....留...唔留...？
亞媽呀！救命呀！！個頭痛到諗唔到野呀！
